Geguritan SIAGA SEJATI

SIAGA SEJATI

Jinurung tekad jroning ati

Angger-angger jejer kukuh dadya pager

Mandep mantep manah manembah

Berbudi laksana, dene

Obah mosiking pakarti

Rinegem subasita lan trapsila

Endah kang sarwa jinantra

Kinalungan kacu abang putih

Wruh marang sakabehing kautaman

Ajur ajer datan kajejer

Reroncen janji ing DWI SATYA

Cetha dadi ances tujuwanne

Apa kang wus kaserat ing DWI DDHARMA

Bisa tansah dadi paugeranne

Suci pikiran lan pakertine

Utamane tresna marang sepadha-padha

Kinarya petuladhan jroning gati

Ora cendhala, cidra, lan narkoba

Hanengenaken urip prasaja

Ayo, pramuka SIAGA Kwarcab Grobogan

Rawe-rawe rantas malang-malang putung

Jejibahan gung angantu kridhanira

Openana IBU PERTIWI amarih raharja